Panga tukio lako kwa bot ya WhatsApp

Shereko bot inakuwezesha kuendesha tukio lako lote kupitia mazungumzo ya WhatsApp: bila tovuti, bila password, bila OTP. Kila unachofanya kwenye bot kinaonekana pia kwenye dashibodi, na kinyume chake, kwa sababu ni akaunti moja.

Anza mazungumzo

1. Fungua ukurasa wa bot ya WhatsApp na ubonyeze Anza sasa WhatsApp, au hifadhi namba iliyopo hapo na utume Habari.
2. Bot itakuuliza jina lako na kukubali Masharti ya Matumizi. Baada ya hapo inakutambua kwa namba yako ya simu.
3. Kama tayari una akaunti ya Shereko yenye namba hiyo hiyo, bot inatumia akaunti hiyo.

Unda tukio na ubuni kadi

1. Bot inauliza swali moja kwa wakati: jina la tukio, tarehe, ukumbi na majina ya wenye sherehe.
2. Kisha inakutumia link salama ya studio ya kadi. Ifungue ubuni kadi yako mara moja, bila kuingia upya. Ukimaliza, bonyeza Rudi WhatsApp.
3. Link ya kubuni kadi inaisha baada ya dakika 30. Andika LINK upate mpya.

Ongeza wageni kutoka WhatsApp

Kuna njia mbili, na unaweza kutumia zote:

• Shiriki contact. Kwenye mazungumzo, bonyeza kitufe cha kuambatisha, chagua Contact, kisha chagua wageni kutoka simu yako. Bot inawaongeza wote na kuondoa waliojirudia.
• Link ya kikundi. Andika SHIRIKI upate link ya kuweka kwenye kikundi chako cha WhatsApp. Wageni wanaibonyeza, wanatuma majina yao, na wanaongezwa kwenye orodha yako. Bot inakujulisha kila mtu mpya anapojiunga.

Link ya kikundi inavyofanya kazi:

• Kadi zao zinashikiliwa hadi upitie orodha. Andika SHIRIKI ORODHA kuona waliojiunga, kisha SHIRIKI TUMA kutuma kadi zao.
• Kila link inapokea hadi wageni 200 na inaisha baada ya masaa 72. Andika KATA SHIRIKI kuifunga mapema, au SHIRIKI tena kupata link mpya.
• Unaweza kuondoa majina usiyoyataka kwenye orodha ya wageni kupitia dashibodi kabla ya kutuma.

Lipa na utume

1. Chagua njia ya kutuma: WhatsApp tu, SMS tu, au WhatsApp na SMS ya akiba.
2. Bot inakuonyesha gharama, kisha inatuma ombi la malipo kwenye simu yako (Mixx by Yas, Airtel Money au HaloPesa). Thibitisha kwa PIN yako.
3. Malipo yakifika, bot inatuma mialiko na kukupa taarifa. Bei ziko kwenye sehemu ya bei.

Baada ya kutuma, wageni wakibonyeza vitufe vya RSVP, majibu yao yanakufikia kwenye mazungumzo ya bot. Andika TAARIFA kwa jumla au HAKUNA JIBU kwa orodha ya wasiojibu. Tazama Fuatilia RSVP.

Maagizo ya bot

Andika mojawapo ya haya wakati wowote. Maagizo yanafanya kazi kwa Kiswahili au Kiingereza.

Matumizi sahihi

• Bot inapokea ujumbe hadi 30 kwa dakika kwa kila namba; zaidi ya hapo inasitisha kwa muda mfupi.
• Unaweza kuunda hadi matukio 3 kwa siku. Wasiliana nasi ukihitaji zaidi.
• Majina ya matukio yenye maneno ya spam au biashara haramu hayaruhusiwi.

Maswali ya mara kwa mara

Naweza kuhama kati ya bot na tovuti?

Ndiyo. Ingia kwenye tovuti kwa namba ile ile ya simu na utakuta tukio, wageni na pochi uliyounda kwenye bot.

Link ya kubuni kadi inasema muda umeisha. Nifanye nini?

Andika LINK kwenye mazungumzo ya bot upate link mpya ya dakika 30.

Mgeni amepoteza kadi yake. Anaweza kuipata tena?

Ndiyo. Unaweza kumtumia tena kwa TUMA TENA au kupitia jedwali la wageni kwenye dashibodi. Mgeni pia anaweza kumwandikia bot mwenyewe na kufuata hatua ili atumiwe kadi yake tena kwa ada ndogo.

Bot haijibu. Kwa nini?

Hakikisha unaandika kwa namba iliyo kwenye ukurasa wa bot, kisha andika MENU kuanza upya. Kama umetuma ujumbe mwingi kwa haraka, subiri dakika moja.